CREARTE

A finais de Abril desfrutamos da segunda xornada de convivencia en Vilameán coa escola de Taborda.
Unha xornada chea de arte, xogos e reencontros.

Comezamos o día facendo un pequeno xogo de presentación e mais movéndonos ao son de varias cancións.
Logo, e divididos en equipos, dimos renda solta á nosa imaxinación e puxémonos a crear diversos elementos que decorarán os nosos patios.

• Pintamos cús de botella que logo convertimos en flores. 
• Decoramos tellas. 

• Compuxemos mandalas con tapóns de cores. 

Despois de tanto traballar merendamos e xogamos e despedímonos levando a cabo unha pequena sesión de relaxación e masaxes.

Una xornada moi, moi enriquecedora.

¡Cánto nos gusta ir a CREARTE!

PRIMAVEIRA

Aproveitando a chegada do bo tempo, o xoves da semana pasada realizamos a proposta do día no porche do patio. 

Como non podía ser doutro modo, ésta tiña que ver coa estación na que nos atopamos: a P R I M A V E I R A. 

E este foi o resultado final...

Xa por último, e cando chegamos á aula, xogamos a construir as gradacións de cor das flores que estivemos a ilustrar. 

¿A QUÉ CHE SOA?

Velaquí deixámosvos outra das propostas que empregamos na aula para que os nenos vaian avanzando na área da linguaxe. Trátase da CAIXA DOS SONS. 

A través dela traballamos a conciencia fonolóxica, a grafomotricidade e a lectoescritura. 

¿CÓMO XOGAMOS?

1. Observamos os obxectos e pensamos por qué fonema comeza.
2. Introducimos cada miniatura no caixón da letra correspondente. 
3. Comprobamos as nosas hipótesis (para isto empregamos diferentes estratexias: pedimos axuda a un compañeiro, buscamos a palabra...).
4. Escribímolas. 

Grazas ás familias por colaborar connosco para lograr reunir obxectos e miniaturas para tódalas letras. 

A NOSA HORTA

Hai dúas semanas chegamos á aula e encontrámonos con todo isto. 

¿Qué é?

¿Por qué aparecería na nosa aula?

¿Qué froita-hortaliza-verdura son?

¿Qué podemos facer con eles?

Estes foron algúns dos interrogantes que xurdiron na aula. 

Para comprobar as nosas hipótesis decidimos xuntarnos cós nenos do Seixo 2 e facer unha posta en común. 

Observamos as plantas e as súas sementes, as tocamos, as ulimos, pensamos qué precisarían para poder xermolar... e trala lectura do conto "A horta de Simón",

puxémonos ¡máns á terra! plantando fresas, cebolas vermellas e repolos. 

Agora queda o máis importante: coidar da nosa horta. 

XOGANDO CÓ NOME

O nome propio é o primeiro texto có que os nenos se inician no proceso lectoescritor. 

Isto posibilita que os nenos teñan un recurso estable de escritura para interactuar libremente con ela. 

O nome propio, ademáis, ten unha gran carga afectiva para eles. Forma parte inseparable da súa identidade o que lles produce unha gran motivación para aprender. 

Velaquí deixámosvos algunha das propostas que estivemos a desenvolver dende o incio de curso ao redor do mesmo; propostas éstas que desenvolvemos tódolos días no momento da asamblea có nome do encargado/a dese día. 

• Composición de acrósticos libres có seu nome.

• Composición de acrósticos con cualidades-adxetivos positivos que dicir dese compañeiro/a e que o definan de maneira única e especial. 

• Composición de novas palabras a partir das letras dos seus nomes; dinámica que estamos a desenvolver nestes momentos na aula. 

¡Probade a xogar con eles na casa!

8-M

Con motivo da celebración do 8-M, dende a semana pasada estivemos a traballar sobre isto.

• Limos contos relacionados có tema.

• Reflexionamos sobre qué significa este día e por qué se celebra; o cal nos permitiu introducir termos coma: conciliar, liberdade, igualdade ou dereitos.
• Falamos das mulleres importantes das súas vidas (mais, avoas, irmás...) e ilustráronas.

• Redactamos a nosa particular "Constitución" con normas que aseguren a igualdade.

• Analizamos a prensa: qué cor era a predominante, lemas empregados, símbolos da Muller...

Finalmente, plasmamos todo iso nun panel que acompañaranos cada día na nosa aula para así telo sempre presente.

¿LE PONDREMOS UN BIGOTE?

Neste trimestre estámonos a familiarizar cun novo texto literario: a poesía. 

Un dos poemas que traballamos é "¿Le pondremos un bigote?" de Mar Benegas. 

Velaquí podedes ver a secuencia de traballo que seguimos. 

1. Linlles o poema e eles o ían ilustrando tan só coas referencias que se proporcionan na narración (sen ver as imaxes). 

Logo, contrastamos as súas produccións coa imaxe orixinal: ¿debuxamos todos os elementos? (favorecendo e reforzando así a construcción do seu esquema corporal, especialmente nos nenos de 3 anos).  

E unha vez que todos eles tiñan ben interiorizada o poema, recompuxémolo exercitando así as súas habilidades lectoescritoras. 

E vos qué pensades... ¿Porémoslle un bigote?